ఈ పుట అచ్చుదిద్దబడ్డది
శశికళ
70
ఆమె : నీవదన ముషసురా నీచూపు కాంతిరా
నీపెదవిలో పాట నృత్యాలు సలుపురా
అందమే నీదిరా
సుందరిని నేనురా !
నేను : నీమూర్తి పూజింప
ఈ మనుజు లెందరో
అందరిలొ ఒఖ్ఖణ్ణి
ఆశ నాకేలనే !
ఆమె : బ్రతుకు సర్వస్వమ్ము
పరమ నైవేద్యమౌ
నీపూజె పూజెరా
నీవు నేనేనురా
నీకు నేనై వెలసి
నాకు నీవై పొలసి
ఇరువురము బ్రతుకులో
కెరలింతు మందదాలు !
నేను : ఇరువురము లోకాన
ఆమె : పరిమళింతుము కళల
ఇరువురము ప్రేమికుల
మిరువురము శిల్పులము.