ఈ పుట అచ్చుదిద్దబడ్డది
69
శశికళ
కళా పరిమళము
నేను : నన్నెటే ప్రేమింతు ఓరాణి
నన్నెటే పాలింతు ఓ దేవీ !
ఆమె : నిన్నెరా ప్రేమింతు
వెన్నెలల బాలరా
నేను : నీ అంద మెక్కడే
నా అంద మెక్కడే
దివ్యపధములనుండి దిగివచ్చు మూర్తి వే
భూమిపై తిరిగేటి పోటు మానిసినేను !
ఆమె : భూమి నందముసేయు పుణ్యమూర్తివి నీవు
ఆకాశ యాత్రలో అంతు దొరకని నేను
నీహృదయ మందముర
నీసొగసు నీవెరా !
నేను : అర్ధచంద్రుడు నుదురు అమృతరసమే పెదవి
ఆకాశగంగ నీ అంగ విన్యాసాలు
నీవు సొబగుల రాణివే దేవి
నేను కర్కశ మూర్తినే చెలీ !