పుట:Sasi Kala, Adavi Bapiraju.pdf/47

33

శశికళ

ఆవెనుక

చీకటి వెనుకే రాకా జ్యోత్స్నలు
నీ కనురెప్పల నీలిమ వెనుకే

           వికసిత నిర్మల విద్యు ద్రోచుల
           పకపక నవ్వుచు పాపలు వెలుగును

కాంతి గర్భమున కలవు వర్ణములు
కనుపాపలలో కాంతుల లోతులు

           రంగు రంగులై రాగము లీనుచు
           శృంగారించును చిత్రము లెన్నో

వర్ణ గభీరము పదముల లోనే
పూర్ణ రూపమై పొలుచును భావము

           చిత్ర రీతులలో చెన్ను మీరునే
           పత్రరేఖ నీ ప్రణయము దేవీ !