పుట:Sasi Kala, Adavi Bapiraju.pdf/44

వికీసోర్స్ నుండి
Jump to navigation Jump to search
ఈ పుట అచ్చుదిద్దబడ్డది
శశికళ
30
 

నగ్న

వెన్నెల లో వెలుగుధార
వన్నెల తో స్నానమాడ

       ధవళకాంత తరళ మూర్తి
       భువన సకల మోహ మూర్తి
       ప్రణయ దేవి నా శశికళ
       మృణాలాంగి నా శశికళ
       పూర్ణ నగ్నయై నిలిచెను
       చూర్ణ కుంతలా లాడగ.

తను భంగిమ హిమ శృంగము
మినువాకలో తరంగము

       వెన్నెలలో స్నానమాడ
       క్రొన్ననలల ప్రోవు ప్రోడ్త
       స్వచ్ఛ దేహయై నిలిచెను
       స్వప్న సుందరయై పొలిచెను
       మిరుమిట్లయె నా కన్నులు
       ఉరవడించె నా కోర్కెలు.