ఈ పుట అచ్చుదిద్దబడ్డది
93
శశికళ
మన చెలిమి
నా సఖీ మన చెలిమి
వేసటేనట భువికి
కాసంత ఉపకారి కాదంట మనుజునకు
నా సఖీ ! నా సఖీ !
జీవిత విధానాలు
భావి కర్తవ్యాలు
ఎరుగ లేనే లేని
ఎదురుకోనే లేని
పాట లెందుకటంచు పదములేలా అంచు
పలుకుదురు భాషణలు చిలుకుదురు దూషణలు
నా సఖీ మన చెలిమి
వేసటేనట భువికి !
జుమ్ముమను మధుర శ్రుతి
తుమ్మెదలు ఆడవా ?
కొమ్మ కొమ్మకు తేలి
కోకిలలు పాడవా ?
అవి వట్టివమ్మంట అర్ధరహితమ్మంట.
