ఈ పుట అచ్చుదిద్దబడ్డది
శశికళ
88
పదములాడుతు పరుగు లెత్తేనే !
ఓ ఉదయకమలం పెదవిదానా,
నదిని చేరే శిలను డాసితినే !
(4) చెట్లమీదే చంద్రబింబం
చెట్లకొమ్మల చంద్రకిరణం
చెట్లపూవుల వెన్నెల వియ్యాలే
ఓ చిత్రకంఠము పలుకుదానా.
పూలతేనెల వెన్నేల కలిసేనే !
(5) గండశిలపై మేనువాల్చితి
కొండవాగూ పాట పాడెను
వెండి వెలుగులు నన్ను ముంచెను
ఓ నిండువెన్నెల నీటులాడీ
పండుకొనుచూ నిదుర కూరితినే !
(6) పరిమళాలూ దెసల నిండెను
పరుగులెత్తే వాగు పాడెను
వాగుపాటతొ చిన్నిపులుగులు
మూగ గొంతుల శ్రుతులు కలిపినవే
ఓ తామరపూవూ మోముదానా
తోగుపాటలు జోలపాడినవే !