మూడవ రంకము
శ్రీధర:--ఆచార్లవారూ! మీరు శవసంస్కారకార్యమున నాకు సహాయముచేయుటకు వచ్చియుంటిరా?
విద్యా:--ప్రమాణముగ.
శ్రీధర: అయిన శవమును మోయుటకై ద్రవ్యముగావలెనా?
విద్యా:--అందు తప్పేమి? అదిప్రకృతిసంప్రదాయము. దేశాచారము.
శ్రీధరు;--మీఆచారమునకు దయాదాక్షిన్యములేదా?
న్యాయా:-ఈచర్చ అసంగతము.
శ్రీధర:--క్షమించండి... ఆచార్యులవారూ! మీరు కుండల దగ్గరకుపొయినప్పుడు నేను నిజముగా ఆక్షేపించితిమా? ప్రమాణపూర్వకముగా చెప్పండి.
విద్యా:--(కోపముతో) నేను ప్రమాణ ముచేస్తానా? నేనుమీవలె జాతిభ్రష్టుడనుకొంటిరా? మీవలె సంధ్యావందనము విడిచితిననుకొంటిరా? ఈమాననష్టమును శ్రీమ్యాజిస్ట్రేటువారుగమనించవలె, మీతండ్రిగారికి నాపైన ఎంతోభక్తి.
న్యాయా:--(వారించి) కోపపడకండి ఆచార్యులవారూ! వారు అడుగవలసిన మాట అడగినారు, పోనిండు, ఈ పంచాయతీనామాలో అపరాధి, సొదాకాలందు ఆటంకము చేనట్లు మాటయే లేదే?
విద్యా:--పోలీసువారు మరచిపొయియుండవలెనండి. పాపము పెద్ద రికార్డు వ్రాయునప్పుడు ఎంతయని జ్ఞాపకము పెట్టుకొంటారు?
న్యాయా:-- ఆచార్యులవారూ! అంతాకలసి మీరెంత కాలమా యింటిలో నుంటిరి?
విద్యా:--ఏదీ, కొంచెముసేపండి. ఉన్నంతసేపు భీమసేనరావు ప్రక్కననేయుంటిని. ఆకుండల సమీపమునకు పోనేలేదు.
న్యాయా"--(నవ్వుచు) ఓహో! ఆచార్యులవారూ! క్రొత్తసంగతులు చెప్పుచున్నారే? అట్లనా? మీకు శెట్టిగారింటి చోరీవిషయము మొదట యెప్పుడు తెలిసినది?
