ఈ పుట ఆమోదించబడ్డది
4
తే. శ్రీచతుర్భుజదాసుండు శ్రీలఁ బెంచి
కలిమిఁ దనకుద్దిలేఁ డని పలుక జనులు
బీదసాదల హరిప్రీతి నాదరించి
కీర్తి కౌముది వెలయంగఁ గృష్ణుఁ జేరె. 5
క. వానికి నిర్వురు తనయులు
మానధనుల్ పాపభీత మానసులు ధరన్
సూనృతవాక్య ధురీణలు
కానక జన్మించి రధిక గౌరవ మెసగన్ . 6
క. గిరిధరగోవిందాహ్వయు
లరుదార విభూతి మెఱయ సంచితవిద్యల్
కరమర్థి నేర్చి పెద్దలఁ
బరితృప్తులఁ జేతు రిలను భవ్యశ్రీలన్. 7
తే. గీ. అన్నగిరిధరు ననిశంబు నధికప్రీతి
జానకీరాము లక్ష్మణస్వామి గొల్చు
భంగి సేవించి శ్రీకృష్ణుపాదకమల
మధువుఁ గ్రోలుగోవిందుఁడు మహితభక్తి. 8
తే. గీ. ఆంధ్రభాషావధూటి ననారతంబు
గౌరవించుట కెదఁ గోరిఁ గవుల బుధుల
నాదరించుచు బీదల మోద మెసఁగఁ
మనుచు గోవిందుఁ బ్రోచెడి మాధవుండు. 9