ఎన్నికల చట్టములు
సంగ్రహ ఆంధ్ర
హెచ్చరికపై ఫిట్టిరాల్డు పట్టుబడకుండ తప్పించుకోనేను. పూర్తిగా తప్పించుకొని పారిపోవు అవకాశముండి కూడ తానే వారిని ప్రమాదస్థితిలోనికి నడిపినందున తన యనుచరులను విడిచివెళ్ళుటకు ఆయన నిరాకరించెను. మార్చి 30 వ తేదీన సైనిక శాసనము అమలులోనికి వచ్చెను.
ఫిట్టిరాల్డును పట్టుకొనువారికి 1000 పౌనులు బహుమతిగా నియ్యబడునని ప్రకటించబడెను. ఫిట్టిరాల్డు డబ్లిన్ నగరములో ఒక మిత్రునియింట దాగియుండెను. కానీ బహుమతికి ఆశపడిన మాగన్ అను నతడు ఈ రహస్యమును బయట పెట్టెను. మేనెల 19 వ తేదీన ఫిట్టిరాల్డు అరెస్టు చేయబడెను. అరెస్టుకుముందు జరిగిన సమరములో నతడు తీవ్రముగా గాయపడెను. తుపాకి దెబ్బలు కూడ తగిలినవి. న్యూగేటు జైలులో నుంచ బడెను. ఆ గాయములతో అక్కడనే ఇతడు 1798 జూన్ 4వ తేదీన మరణించెను. ఆయన ఆస్తిని స్వాధీన పరచుకొనుటకు ఒక శాసనము జారీచేయబడెను. భర్త మరణించక పూర్వమే దేశమును విడిచివెళ్ళవలసినదిగా అతనిభార్య ఆదేశించబడెను.
పమేలా హాంబర్లు వెళ్ళి 1800 లో జె. పిట్ కైర్న్‌ను వివాహము చేసికొనెను. అయినను చనిపోవు వరకు ప్రథమ భర్తను స్మరించుచు అతనిపట్ల భక్తి ప్రవృత్తులను కలిగియుండెను. ఆమెకు ఫిట్టిరాల్డువలన ముగ్గురు పిల్లలు కలిగిరి.
పిన్నవయసులోనే ఇంతటి సాహసకార్యములకు దిగిన ఫిట్టిరాల్డు పొట్టిగా, అందముగా నుండెడివాడు. అతని చక్కని మూర్తిత్వము, ప్రేమ, ఉదారబుద్ధి కుటుంబ సభ్యులందరి ప్రేమకు పాత్రమైనవి. కాని ప్రజలలో తాను చేయబూనిన సాహసచర్యలకు అవసరమగు కఠిన లక్షణములు ఆయనలో లేకుండినవి.. కపట మెంత మాత్రము లేక నిర్భయముగా వ్యవహరించెడివాడని రీష్ హార్డు వ్రాసినాడు.
ఫిట్టిరాల్డు జీవితమునుగూర్చి థామస్ మూరె, మార్టిన్ మాక్ డెర్మాత్, ఐ. ఏ. పేలరు మున్నగువారు పుస్తకములను వ్రాసిరి
కం. తా.
ఎడ్విన్ కానన్ :
ప్రసిద్ధ ఆంగ్ల ఆర్థిక శాస్త్రవేత్తయగు ప్రొఫెసర్ కానన్ ఆక్సు ఫర్డ్ విశ్వవిద్యాలయమునందలి క్లిఫ్ టన్ కళాశాల యందును, బేలియల్ కళాశాలయందును విద్యను అభ్యసించెను. ఇతడు క్రీ.శ.1907వ సంవత్సరమున అర్థశాస్త్రాచార్యుడై 1927 లో ఆపదవినుండి విరమించెను. లండన్ ఆర్థిక, రాజకీయ శాస్త్ర బోధనాలయము స్థాపింపబడిన నాటినుండియు ఇతడా సంస్థయందు బోధకుడై యుండి, ఆ సంస్థ యొక్క ఆర్థిక సంప్రదాయముల నేర్పరచుటలో కొంతవరకు బాధ్యుడయ్యెను. ఇతని గ్రంథములు చదివినవారు ఇతని సనాతన దృక్పథమును, విమర్శనాత్మకముగు మనస్తత్వమును గుర్తించ గలరు. తనకు గురుతుల్యులని చెప్పదగిన ఆర్థికశాస్త్రవేత్తలను విమర్శించుటకే ఇతడు తనకాలమును, శక్తిని వెచ్చించి నప్పటికిని, ఇతడు ఆ శాస్త్రమందలి సంప్రదాయశాఖకే పెక్కు విధములుగ ప్రతినిధి.
ఉత్పత్తి, పంపకములకు సంబంధించిన సిద్ధాంతములు, ఆంగ్ల దేశమందలి స్థానికపు రేటుల చరిత్ర, సంపద, ధనము అనునవి ఈతని ప్రధానరచనలు. అంతేగాక ఆడముస్మిత్తు మహాశయుని గ్రంథమునకుకూడ ఈతడు పరిష్కర్త. వీటన్నిటియందును సంపదయను పేరుగల ఈతని గ్రంథము స్థిరమైన దృక్పథము చక్కని సంబంధ సామ్యముగల ప్రఖ్యాతరచన.
ధనము, మరియు డెమొగ్రఫీ (Demography) కి సంబంధించిన ఆర్థిక సూత్రముల విషయములలోను, ఆడ ముస్మిత్తు యొక్క సరఫరా మరియు అ పేద (Demand) సిద్ధాంతములను విభజించి, నవీనపరిస్థితుల కనుగుణ్యముగా సంతరించుటలోను, అతడు ఆర్థిక శాస్త్రమునకు సేవచేసెను.
బి. వి. రా.
ఎన్నికల చట్టములు:
ప్రజా ప్రభుత్వమునకు ప్రజలచే ఎన్నుకొనబడు వ్యక్తులే తాత్కాలిక పాలకులగుట, ఒక ముఖ్యవిశేషము. సమస్త ప్రజానీకమునుండి అట్టి పాలకులను ఎన్నుకొనుటయే ఎన్నిక విధాన మనబడుచున్నది. ప్రాచీన సంప్రదాయములో రాజ్యాధిపతిరాజై ప్రజలను పరిపాలించి మరణాంతమున
