ఈ పుట ఆమోదించబడ్డది
- 81
సంస్కృతన్యాయములు
అట్లె పురుషార్థి యవు పురుషుఁడు నిరన్తమవు సంసారచక్రమునం బడి యనేకజన్మములకావల జవనమరణోపలక్షితసుఖదుఃఖస్పర్శమున ఖిన్నుఁడై బాహ్యాంతఃకరణగణమును విషయములబారిం బడక అరికట్టి యాత్మనాత్మవివేకముగలవాఁడు కానేర్చును.
మహావాతగజన్యాయము :
మహావాయువులో నేనుఁగులె కొట్టుకొనిపోవుచుండ నింక నల్పజంతువులు లెక్కయేమి?
"మహాగజాః పలాయంతే మశకానాం తు కా గతిః?"
మహిషీప్రసవన్యాయము :
బఱ్ఱె ఈనినట్లు.
(సులభ మని భావము.)
మహిషీమహిషన్యాయము :
బఱ్ఱె ఈనుచుండఁగా దున్నపోతు దానిపై నెక్కఁ బ్రయత్నించినట్లు.
(మగఁడు చచ్చి ఏడ్చుచుండ ఱంకుమగఁడు ఱాళ్ళు వైచినట్లు.)
మక్షికాన్యాయము :
ఈఁగ ఎంత చక్కని శరీరముమీఁద వ్రాలినా రుచిచూచునది మాత్రము పుండులోని చీమే.
