ఈ పుట ఆమోదించబడ్డది
47
సంస్కృతన్యాయములు
- నౌనావికాన్యాయము
- నావికుఁడు లేకుండ నావ నడువదు; నావ లేకున్న నావికుఁ డనవసరము.
- నౌశకటన్యాయము
- ఓడలు బండ్లు కావచ్చు. బండ్లోడలు కావచ్చు.
ప్రభ. 1.94.
- న్యగ్రోధబీజన్యాయము
- మఱ్ఱిచెట్టువిత్తనము చిన్నదైనను దానినుండి పుట్టిన వృక్షము విపరీతముగ విస్తరించును.
- "విత్తనంబు మఱ్ఱివృక్షంబునకు నెంత?" - వేమన.
- (పిట్ట కొంచెం; కూత ఘనం.)
- పంకప్రక్షాళనన్యాయము
- అడుసు త్రొక్కనేల ? కాలు కడుగనేల ?
- పంకమగ్నగజన్యాయము
- ఱొంపిలో బడిన యేనుగు నేనుగే లేవనెత్తవలెను.
" ఏనుగు పల్లసంబిడిన నేలికకున్ వశమే వహింపగన్" విక్ర. 5.132
- పంచకోశావతరణన్యాయము
- వరుసగ ఆనందమయకోశము మొదలు అన్నమయకోశము వఱకును గల పంచకోశములను బొంది తుదకు జీవాత్మ దేహి యవును.