ఈ పుట ఆమోదించబడ్డది
43
సంస్కృతన్యాయములు
- నటాంగనాన్యాయము
- ఆడువేషము వేసినస్త్రీ ఆయాసహచరుల కందఱికిని భార్య అయినట్లు
- (ఆకాశముమీద నెగురు విమానము ఎవరిమటుకు వారి నెత్తికి సూటిగనే ఉన్నట్లు కన్పడును.)
- నదీసముద్రన్యాయము
- నదులన్నియు సముద్రములోనే కలియును.
- "నదీనాం సాగరో గతిః" అనునట్లు.
- నదులన్నియు సముద్రములో కలిసి సముద్రరూపమేయైనను నదియు సముద్రమును పరస్పరము భిన్నములే. *ఉదా:- జీవేశ్వరులు.
- నదులు సముద్రములో కలిసి తమనామరూపములే లేకుండ పోవును.
- ఉదా:- అఖండపరబ్రహ్మమందు జీవేశ్వరులట్లు.
- నద్యంబువేగన్యాయము
- నదులు తీవ్రగతితో ప్రవహించి సముద్రములో కలిసి పోవునట్లు.
- నష్టాశ్వదగ్ధరథన్యాయము
- యుద్ధములో నొకనికి గుఱ్ఱము చచ్చెను. ఇంకొకనికి రథము కాలిపోయెను. ఇరువురును గలిసినచో రథికులయ్యెద రనునట్లు.