ఈ పుట ఆమోదించబడ్డది
35
సంస్కృతన్యాయములు
- తృణజలూకాన్యాయము
- గడ్డిపురుగునకు మూతిప్రక్కను రెండు కాళ్ళును, వెనుక ప్రక్క రెండుకాళ్ళు నుండును. అది వెనుకకాళ్ళతో నిలబడి ముందు నిలుచుట కాధారము చూచుకొని ముందఱికాళ్ళ నక్కడ బెట్టి పిదప వెనుక కాళ్ళు తీయును.
- తృణరజ్జున్యాయము
- గడ్డిపోచలు వెంటిగానేర్పడి మనగజమునైన బంధించును.
- తృణాగ్నిన్యాయము
- చితుకులనిప్పు (క్షణములో నశించును.)
- తృణారణిమణిన్యాయము
- గడ్డివలన గలిగిన నిప్పు గడ్డినిప్పు అవును; అరణియందు మధింపబడిననిప్పు పవిత్రమయిన హోమాగ్ని అవును. సూర్యకాంతమణియందు బుట్టినజ్వాల మణిజ్వాల అవును.
- తేజస్తిమిరన్యాయము
- వెలుతురున్న చోట చీకటి యుండదు.
- దండచక్రన్యాయము
- కుమ్మరిచేసే కుండకు వానిచేతిలోనికర్ర, సారె, నీళ్లు, మొదలగునవి కారణము లవును.
- దండసర్పమారణన్యాయము
- సర్పమును చంపుటకు కఱ్ఱ చాలి ఉండగా గొడ్డలితో బయలుదేరినట్లు.
