ఈ పుట ఆమోదించబడ్డది
33
సంస్కృతన్యాయములు
- తక్రకౌండిన్యన్యాయము
- "బ్రాహ్మణుల కందఱకు బెరుగు వడ్డింపుడు. కౌండిన్యునకుమాత్రము చల్లపోయుడు" అని చెప్పినప్పుడు కౌండిన్యుడును బ్రాహ్మణుడే యగుటచే పెరుగు పోయవలసియున్నను ప్రత్యేకముగా పేర్కొనబడుటచే నాతనికి మజ్జిగయే వడ్డింతురు. అట్లే -- విశేషవిధులు సామాన్యవిధులను బాధించును.
- తాలసర్పన్యాయము
- తాడిచెట్టుపై ప్రాకుపాము ఇతరులు చంపవలసిన అవసరము లేకయే ఒడలు చీరుకుపోయి తనంతనతానే చచ్చును.
- తాళాధిరోహణన్యాయము
- తాడిచెట్టెక్కువాని నెందాక నెగగ్రోయుదురు ?
- తిలతండులన్యాయము
- నువ్వులు బియ్యము కలిసిన విడదీయుట సులభము.
- నువ్వులు, బియ్యము కలిసిన నడుమ నడుమ నల్లగాను, తెల్లగాను నుండును.
- "పుడమి తిలతండులన్యాయమున వెలుంగ." మనుచరిత్రము 2.7.
- తీరబకన్యాయము
- ఒడ్డున కొంగ జపముచేయుచున్నట్లే ఉండి చేప చేరువకు రాగానే మ్రింగును.
