ఈ పుట ఆమోదించబడ్డది
27
సంస్కృతన్యాయములు
- జంబుకారగ్వధన్యాయము
- నక్క రేలకాయలు తిని కడుపునొప్పి యెత్తినందున, ఇక నెన్నడు రేలకాయల దినరా దనుకొని కడుపునొప్పి పోగానే మఱల రేలకాయల దినుటకై వెళ్ళినదట.
- జతుకాష్ఠన్యాయము
- లక్కపుల్ల యెక్కడ విఱిచిన నక్కడ విఱిగి మఱల నతికిన నతుకుకొని విఱిచిన విఱుగునట్లు.
- జపాస్ఫటికన్యాయము
- మంకెనపువ్వు స్ఫటికముచెంత నుంచిన స్ఫటికమంతయు నెఱ్ఱబడిపోవును.
- జలచంద్రన్యాయము
- చంద్రు డొకడే అయ్యు వేఱువేఱుపాత్రలలో ప్రతిబింబించి అనేకచంద్రులుగ భాసించును.
- ఆత్మపదార్థమొక్కటియే. కాని అది శరీరశతాంతర్వర్తియై అనేకత్వమున భాసించును.
- జలతరంగన్యాయము
- నీరూ, కెరటములవలె.
- గాలివలన నీరే కెరటములుగ మాఱును. కెరటములకును మాధుర్యత్వాదిజలధర్మము లన్నియు నుండును,
- అట్లే అవ్యక్తనిగ్గుణపరబ్రహ్మము ప్రపంచరూపమున బరిణ మించినను ప్రపంచమునకు బ్రహ్మగుణధర్మములు సంక్రమించును.