ఈ పుట ఆమోదించబడ్డది
21
సంస్కృతన్యాయములు
- గృహమార్జాలన్యాయము
పిల్లి యింటిని కనిపెట్టుకొని యుండినను దానికి గౌరవము లేదు. ( ఏనుఁగు బయటనున్నను దానికి గౌరవము కలదు.
- గేహేశూరన్యాయము
ఇంటఁ గూర్చుండి డంబములు పలుకువాఁ డెందులకును కొఱగాడు. (ఉత్తరకుమార ప్రజ్ఞలు.)
- గోపుచ్ఛన్యాయము
ఆవుతోక మొదట లావుగ నుండి క్రమముగ సన్నగిలి తుదను మొనదేలి యుండును.
- గోబలీవర్దన్యాయము
గోశబ్దమునకు, ఆవులు ఎద్దులు గూడ నర్థము. బలీవర్దశబ్దమున కెద్దు లర్థము. గోబలీవర్ద మనునపుడు బలీవర్దశబ్ద మున్నందున గోశబ్దమునకు ఆవులే యర్థము చెప్పవలయుననుట.
- గోమయపాయసీయన్యాయము
పేడ పరమాన్నమగునా? గోవువలన గలిగినదగుటఁ బాయసమును గోమయమన నవునా?
- గోమహిష్యాదిన్యాయము
ఆవులూ పాలిచ్చును; బఱ్ఱెలు, గొఱ్ఱెలూ పాలిచ్చును.
