ఈ పుట ఆమోదించబడ్డది
8
సంస్కృతన్యాయములు
- అశ్వత్థపత్రన్యాయము
- గాలి యున్నను లేకున్నను, రావియాకు కదలుచునే యుండును.
- అక్ష్యండభేషజన్యాయము
- కంటికి రాయు మందు బుడ్డకు రాచినట్టు.
- ఆకాశభేదనన్యాయము
- ఆకాశమును బ్రద్దలుచేయుటకు సాధన మేమియు లేదు.
- ఆకాశముష్టిహననన్యాయము
- ఆకాశమును పిడికిలిలో గ్రుద్దుటకు వీలులేదు.
- ఆదర్శన్యాయము
- అద్దమువలె నిర్మలముగ నుండుట.
- ఆదర్శగజన్యాయము
- పెద్దయేనుగు చిన్న యద్దములో గాసవచ్చును.
- ఆదర్శమలినన్యాయము
- అద్దమునకు మకిలి పట్టిన పోగొట్టుట సులభమే.
- ఆమ్రవనన్యాయము
- అనేక వృక్షజాతులుగల తోటలో కొన్నిమామిడిచెట్లున్నచో దానిని మామిడితోట యనునట్లు.
- ఆమ్రసేకపితృతర్పణన్యాయము
- మామిడిచెట్టు మొదటనే పితృతర్పణము చేసినచో చెట్టునకు నీళ్ళుపోసినట్టును, పితృతర్పణము చేసినట్లును అగును.