ఈ పుట ఆమోదించబడ్డది
6
సంస్కృతన్యాయములు
- అభావవిరక్తి న్యాయము
- ఒక విషయమై ప్రయత్నించి అది లభించనియప్పుడు 'దానితో మనకేమి ప్రయోజనము' అని విరక్తి జెందినయ ట్లభినయించుట.
- 'లోతున పడిపోయిన కాని గంగార్పణం.'
- అభ్రమయూరన్యాయము
- మేఘమును జూచినచో నెమలికి సంతోషము.
- అయస్కాంతసూచీన్యాయము
- సూదంటురాయి సూదిని చటుక్కున నాకర్షించును.
- అరణ్యరుదితన్యాయము
- అడవిలో నేడ్చుచున్న వాని నాదరించి యోదార్చువారు లేరు.
- అరణ్యరోదనము జైమినీ. 6-77.
- అర్ధజరతీన్యాయము
- శరీరమునందు కొంతభాగము వార్ధకమును, కొంతభాగము యౌవనమును గలిగియుండుట యసంభవము.(ముఖలావణ్యమున యువతియు, స్తనపతనమున జరతియు ననుట యుపపన్నము గాదు.)
- అర్ధత్యాగసుఖన్యాయము
- ధనము వ్యయము చేసిన సుఖము గల దనుట.