ఈ పుట ఆమోదించబడ్డది
- 137
సంస్కృతన్యాయములు
శతేపంచాశన్న్యాయము
నూటిలో ఏబది ఇమిడియున్నట్లు.
"వ్యాపకశతసంఖ్యాయాం యధా వ్యాప్యపంచాశత్సంఖ్యానివిష్టా ఏవం యత్ర వ్యాపకే వ్యాప్యస్య నివేశస్తత్రాస్య ప్రవృత్తి:"
వాచస్సత్యమ్
వ్యాపకమందు వ్యాప్యము తద్వ్యాపకఫలభాగి యయినపుడీన్యాయము ప్రవర్తించును.
అభిమన్యు డోకేదినమున ఎనిమిది అక్షౌహిణుల కౌరవ సేనం దునుమాడెను. అనిన చనిపోయినవారిలో ఒకటి రెండ్లు, మూడు, అక్షౌహిణులసేనగూడ నున్నదిగదా!
శరపురుషీన్యాయము
"శరశ్చక్షిప్త: ప్రాకారాచ్చ పురుష ఉత్ధిత:, స తేన హర: తత్తుల్యం శరపురుషీయమ్:'
ఒకడు గోడవైపునకు బాణము వదిలెను; దానివెనుక నుండి యొకడు తలవెళ్ళ బెట్టెను; ఆబాణము సరిగా వానికి తగిలి వాడు చచ్చెను.
కాకతాలీయన్యాయముగ జరిగిన పనులయం దీన్యాయప్రవృత్తి యవును.
అజాకృపాణీయ, ఖల్వాటబిల్వీయ, (బిల్వఖల్వాట) న్యాయములను జూడుము.