ఈ పుట ఆమోదించబడ్డది
- 98
సంస్కృతన్యాయములు
రాహుశిరోన్యాయము
రాహుశిరఃస్వరూపనిర్ణయము లేనట్లు.
రాహువుశిరస్సు పాము అనియు; అదొక ఛాయాగ్రహమనియు; కాదు, రాక్షసుఁడనియు ననేకు లనేకరీతులు జెప్పుచుందురు.కాని అందేదియో ఇంతవఱకును దేలలేదు. తేల్చువారును లేరు.
సందేహాస్పదములై వాదప్రతివాదములలో నున్న విషయములయం దీన్యాయ ముపయుక్తము.
రుమాలశునార్ఘన్యాయము
ఉప్పుకొటారులో ఉల్లిపాయధర ఎంత అన్నట్లు.
"రాజన్ రుమాయాం లశునస్య కోఽర్ఘః?" - ఒక బ్రాహ్మణుఁ డొకయింటికి మాధుకరమునకుఁ బోయెను. ఇంటియజమానురా లాయనను జూచి ఎదురేగి- "రాజా! ఉప్పుకొటారులో ఉల్లిపాయధర ఎట్లున్నది?" అని ప్రశ్నించెనఁట."
సంబంధము లేని మాటలు అని భావము.
రుమాక్షిప్తకాష్ఠన్యాయము
ఉప్పునేలలో పాతిపెట్టఁబడిన చెట్టువలె.
ఉప్పురసమున బెరిగి ఈలకూరవలె నదియు ఉప్పగనే ఉండును.