పుట:Sakalaneetisammatamu.pdf/131

వికీసోర్స్ నుండి
ఈ పుట అచ్చుదిద్దబడ్డది

ఆ. నంతిపురములోన నధిరతి యున్నప్పు
డచటఁ బాయకుండు నాత్మసైన్య
మతనిఁ జేరి మిగుల నాయితమై నిల్చి
చెలఁగి రక్షణంబు సేయవలయు. 283

క. ఎనుబదియేండ్లపురుషులున్
దనరఁగ నేఁబదులసతుల తనగృహజనులం
దనిశము నవరోధవధూ
జనచిత్తము లరయవలయు జనపతి నగరన్. 284

గీ. లలితమంజులవిమలాంగలతలు వెలుఁగ
సూక్ష్మవస్త్రాభరణమాల్యసుభగ మూర్తు
లగుచు వారాంగనలు మన్మథాస్త్రలీల
బలసి కొలువంగవలయు భూపాలమదను. 285

సీ. జటిలకుత్సితముండజనులసంసర్గము
బాహ్యదాసీజనబాంధవంబుఁ
జేర నంతఃపరిచారజనంబుల
కొదపక యుండంగఁ బదిలపఱచి
వెడలుడునప్పుడు వెసఁ జొచ్చునప్పుడుఁ
దనర నాభ్యంతరజనము లెపుడు
ద్రవ్యముం బనియుఁ దద్ద్వారపాలకులతో
నెమ్మి నెఱింగింప నియతి సేసి
గీ. యంత్యకాలమయాతురుఁ డైనయతనిఁ
దక్క ననుజీవి శుభమ కాఁ దలఁప వలయు
సర్వజనులకు నాతురజనుఁడ గురుఁడు
దప్ప దనుపల్కు భూపతి దలఁపవలయు. 286

ఉ. స్నానవిలేపనాభరణచారుసముజ్జ్వలగాత్రుఁడై శుభ
స్నానము నాత్మదత్తవసనస్ఫుటమూర్తియు నైన దేవులన్
స్థానము చేర్చి వారి సదనంబుల కేగక చేయుచు న్నిజా
ధీనమనస్కుఁడై సతుల తీపులు నమ్మక యున్కి యొప్పగున్. 287

సీ. భద్రసేనుఁడు నిజపత్ని యింటికిఁ జన
నతనితోఁబుట్టువ యతనిఁ దునిమె
దల్లిమంచముక్రింద నల్లన యడఁగి తాఁ
బుత్త్రుండ కారూషుఁ బొడవడంచె
లాజలు విషమున నోజించి తేనియఁ
యని కాశిరాజుఁ దద్వనిత యడఁచె
గరళాక్తమేఖలాఘనమణి సౌవీర
భూపు వైరంత్యు నూపురముచేత
జాతుషీశస్త్రంబు జడయందు నిడుకొని
రమణియొక్కత విదూరథునిఁ జంపు