పుట:Sakalaneetisammatamu.pdf/130

వికీసోర్స్ నుండి
ఈ పుట అచ్చుదిద్దబడ్డది

క. కేవలవాత్యాహతమును
భూవిభుఁ డన్యప్రభేదమును నాతురమున్
నావికపరీక్ష లేకయె
నావఁ గరం బెక్కఁజనదు నయమార్గమునన్. 276

క. జనపతికి గ్రీష్మదినముల
జనశోధితనక్రమీనజాతాంతర మై
ఘనతటలేఖాస్థితహిత
జనచంక్రమణ మగుజలము నను విహరింపన్. 277

క. గహనములు విడిచి శోభిత
బహిరుద్యానములలో నృపాలకుఁడు వయో
విహితసుఖభోగలీలను
విహరింపఁగవలయు సమదవిమలాత్మకుఁడై. 278

క. మృగయోచితవనభూమిని
మృగయాగతి లక్ష్యసిద్ధి మెయికొనుకొఱకై
జగతీపతి సువినీతము
లగు హయములు జాడలాఁగ నరుగఁగవలయున్. 279

సీ. తల్లిఁ జేరఁగఁబోవుతఱినైన భూపతి
భవనశోధన మొనర్పంగవలయు
నెక్కడి కేఁగిన హితు లైన యాయుధ
హస్తులు చుట్టురా నరుగవలయు
సంకటగహనభూస్థలి నిల్వఁ బోలదు
ధూళి సల్లెడు పెనుగాలి నయిన
విపులధారాసారవృష్టి సత్యాతప
ఘోరాహమున నంధకారరాత్రి
గీ. స్వస్థుఁడై యుండి యెఱుగంగఁ జనదు మఱియు
నిర్గమంబుఁ బ్రవేశంబు నియతమేని
రాజపథమున జనులఁ జేరంగనీక
యధిపుఁ డావిష్కృతోన్నతి నరుగవలయు. 280

కామందకము



క. జనలక్ష్మికి ధనలక్ష్మికి
ననుపమ మగు ధర్మలక్ష్మి కాత్మయ మూలం
బని యాత్మరక్ష మఱువక
జననాథుఁడు సేయవలయు సతతము ప్రీతిన్. 281

క. ఏపున యాత్రోత్సవములఁ
బైపడి భూజనులు దట్టపడి యేవేళం
భూపాలుఁ డందు సరగున
నోపియుఁ బైఁబడఁగవల దయుక్తంబైనన్. 282

సీ. కంచుకోష్ణీషముల్ గలవర్ష ధరకుబ్జ
కైరాతవామనుల్ చేరి కొలువ
సముచితమ్ముగను రాజన్యుఁ డంతఃపురో
ర్వీతలంబున విహరింపవలయు
విత్తజ్ఞులును శుద్ధచిత్తులు నగునట్టి
సచివు లింపుగ నరేశ్వరునిఁ జేరి
శస్త్రాగ్నివిషవివర్జనముగ నొయ్యన
నర్మవాక్యమ్ము లొనర్పవలయు