ఆ. తడవుఁ బెంప నేర్చి తమకాలముల వృక్ష
ములును బశువులు ఫలములును బాలు
నొసఁగునట్ల రాజు పొసగంగఁ బ్రోవఁ
బ్రజయుఁ బిదపఁ బతికి ఫలము లిచ్చు. 109
క. జనపతికిఁ బ్రజాపాలన
మున సద్గతి గలుగు నర్థమును నగుఁ దత్పీ
డనమున ధర్మక్షయమును
ధనహానియు నపజయంబుఁ దగ సిద్ధించున్. 110
బద్దెననీతి
ఉ. కావునఁ గాపులొక్కటికిఁ గాఁ గలహించిన వక్రశీలురై
చేవిరులం గృషిక్రియలు సేయక తక్కిన నెన్ను పన్నుకున్
గా వడిఁ బోరిన న్మనవికాల మెఱుంగక చెప్పిరేనియున్
భూవరు లెగ్గుగాఁ గొనక బుద్ధివిధిం జను విత్తు రాత్ములై. 111
నీతిసారము
ఆ. బంధుహీనతకును బరమబాంధవమును
నేత్రహీనులకును నేత్రములును
గన్న తల్లిదండ్రు లన్నను రాజులె
కాక ప్రజల కొరులు గలరె యుర్వి. 112
పంచతంత్రి
క. సాధింపఁ గడిఁది శత్రుల
సాధించిన బలిమి వృథ నిజక్షితిజనులన్
బాధించకంటకులఁ బతి
శోధింపనినాఁడు నన్నెచోడనరేంద్రా. 113
క. జనపతి తనప్రజభారము
తనముఖమున నడపికొనక తక్కినఁ బొలియున్
దిని చెఱుతు రతనిసొమ్మున్
జనువారును బ్రజ నరేంద్ర చతురాననుఁడా. 114
బద్దెననీతి
గీ. చాలఁ దస్కరాదిసాహసకర్ముల
బాధఁ బొరయకుండఁ బ్రజల నెల్లఁ
గావఁ బ్రోవ నృపుల కాక వారలకును
దలఁచిచూడ నొరులు గలరె యుర్వి. 115
క. లోకంబులకును మే లగు
భూకాంతుఁడు మిగులవృద్ధిఁ బొందుచునుండన్
లోకంబునకు గీ డగు
భూకాంతుఁడు మిగులఁగీడు పొందుచునుండన్. 116
ఆ. ఉర్విప్రజలఁ బీడలొనరించెనేనియు
వారిభూరిశోకవహ్నిఁ దగిలి
రాజు సిరియుఁ గులముఁ బ్రాణంబు నొక్కట
నీఱుచేసి కాని నేర దధిప. 117
ఆ. పరులవలన గాసి పడకుండఁ దనప్రజఁ
బూని యరసి ప్రోవలేని రాజు
రాజు గాఁడు వాఁడు రాజరూపంబున
జగతిఁ బుట్టినట్టి జముఁడు గాని. 118
