పుట:Sakalaneetisammatamu.pdf/105

చ.⁠

ధరఁ దృణకాష్ఠతైలఘృతధాన్యబలాదికవస్తుపూర్ణమై గురుతరమై మహాటవులఁ గోటల భూరిగభీరవాపులన్ బరివృతమై ప్రవీరసులభం బగు దుర్గము గల్గు ధారుణీ శ్వరుఁడు దలంప నెవ్వరి కసాధ్యుఁడు వారికి సాధ్యులే యొరుల్.

⁠ 58

పురుషార్థసారము

క.⁠

రసరాజ మైన లవణం బెసగఁగ దుర్గముల సంగ్రహింపగవలయున్ బొసఁగునె యన్నము మఱి యే రసములు గలిగినను లవణరసవర్ణితమై.

⁠ 59

సీ.⁠

బలుగాఁపు వాకిళ్ళఁ బగలు రేయును నిడి              కోటపాళెము తగుచోటఁ బెట్టి కనుమపట్లను నెల్లఁ గావలి నియమించి              నడిమిచావిడిఁ దగునరుల నునిచి నగరిచుట్టును బారి నడిపించి క్రంతలఁ              దిరుగుచుండగఁ దలవరులఁ బనిచి దినచర్యఁ బాలెముల్ దృష్టివెట్టుచు రేలు              దివియలు విడువక తిరుగఁజేసి

⁠

ఆ.⁠

దొరల రాజులందు నరయుచు భటులందు భేద మొదవకుండ నాదరించి యుచితవృత్తి గావకుండిన దుర్గంబు నేలఁగలఁడె భూమి నింద్రుఁ డైన.

⁠ 60

క.⁠

బలు వగు దుర్గము గలిగియు బలములు లేకున్న నిలుప బలవంతునకున్ దలమే నృపులకు నాలుగు బలములు గలుగుటయె కాదె బలిమి యనంగన్.

⁠ 61

క.⁠

కరులును హరులును రథములు వరభటులు ననంగ నాల్గు వర్గంబులు నొం డొరులకుఁ బ్రాపై నిలువక పరసేనం గెలువగలఁడె పార్థుం డైనన్.

⁠ 62

నీతిసారము

క.⁠

ఈ నాలుగుదుర్గములకు మానుగఁ జొర వెడల గూఢమార్గము వలయున్ ఆనూపజాంగలంబులఁ బూనిన భూములును వలయు భూనాథునకున్.

⁠ 63

క.⁠

భూగుణముచేత రాష్ట్రము భోగాస్పదవృద్ధినొందుఁ బొదవినరాష్ట్ర శ్రీగరిమం బది పొదలు స రాగము లామంచిభూమి రాజున కెందున్.

⁠ 64

సీ.⁠

సస్యాకరవిశేషసలిలసమృద్ధియుఁ              బణ్యఖనిద్రవ్యబంధురంబుఁ బుణ్యదేశాన్వితంబును గోహితంబును              గుంజరోద్భవవనపుంజములును వారిస్థలపథాన్వితారూఢమును నదీ              మాతృకంబును సేవ్యమానతలము నై పొలుపొందుట యవనీస్థలంబున              కంచితగుణములై యతిశయిల్లు

⁠