పుట:Sakalaneetisammatamu.pdf/101

క.⁠

పలుకుల తీపును సరసము చెలువము నడబెడఁగు బంధచిత్రము సొబగున్ గలకలనఁ జూపవలదే కలకంఠియుఁ బోలెఁ గవిత కందనమంత్రీ.

⁠ 30

నీతితారావళి

క.⁠

సరసకవితరుచి యెఱుఁగని పురుషులఁ బశువులని నిక్కముగ నెఱుఁగుఁడు వా రురుపడిఁ దృణంబు మేయమి పరికింపఁగ ధరణిఁ బసుల భాగ్యం బెందున్.

⁠ 31

ఉ.⁠

సుందరసర్వలక్షణవిశుద్ధకవిత్వము గన్నచో రస స్యంది నిజస్వభావుఁ డనఁ జాలినయట్ల నిజస్వభావుఁ డా నందముఁ బొందునట్లు కుజనప్రకరంబు లెఱుంగ నేర్చునే చందురుఁ జూచి మోదమున సాగర ముబ్బిన నూతు లుబ్బునే.

⁠

నీతిభూషణము

నీతిశాస్త్రప్రశంస

మ.⁠

నయమార్గంబున లక్ష్మి లక్ష్మిగలచో నారాయణుం డుండు ని శ్చయ మచ్చో పరధర్మవృత్తికి నిజస్థానంబు తన్మూలమై జయ మెల్లప్పుడు నుల్లసిల్లుఁ ద్రిజగత్సంసేవ్యమై కావునన్ నయశాస్త్రంబె వివేకధన్యునకుఁ జింతారత్న మెల్లప్పుడున్.

⁠ 33

గీ.⁠

వ్యసనములు మాని రాజు విత్వత్ప్రసంగ సంగియై పురాణేతిహాసములు వినుచు నీతి వినునేని నృపతికి నేర్పు మిగులు వసుధఁ బామున కెఱకలు వచ్చినట్లు.

⁠ 34

ఆ.⁠

నీతి యెఱుగువాఁడు నిఖిలంబులందును ఖ్యాతిలాభపూజలందు నొప్పు గాక యొరుఁడు పొందఁగలఁడె నేర్పునకు వివేకమునకు నూఁత వెరవకాదె.

⁠ 35

నీతిసారము

చ.⁠

అనుచుఁ దలంచి రాజసచివాధిపు లెంతయుఁ బ్రేమతోడఁ బ్రా ర్థన మొనరింప సర్వజనతాహితబుద్ధి వహించి యంధ్రవా గవనధివిలాసవీచికల వారక తెప్పలఁ దేల్చియింపు సొం పినుమడిగా నయామృతము నిచ్చెద మెచ్చులు పల్లవింపగన్.

⁠ 36