ఈ పుట ఆమోదించబడ్డది
70
బంతిఁబోలెడి నిన్ను లోకపు
వింతబయటను స్వారిచేయుచు
బంతియాటను త్రిప్పుచుండును
కర్మదండముతోన్
ఇంతయును నేమంచు నీవును
వింతగాఁ జూడంగ వలవదు
అంతయును నాతనికె తెలియును
అతనికే తెలియున్ ,
71
ఆ లలాటమునందు నాతఁడు
లీలవ్రాసెడి వ్రాతఁ నట్లే
కేల వ్రాయుచుఁ బోవుచుండును
ఆగఁ డొకయపుడు.
ఏలభక్తియు నేలయుక్తియు
నేల యీ కన్నీటిధారలు
చాలునే యావ్రాఁత నించుక
యేని తప్పింపన్.