షష్ఠాంకము.
87
శంక - హా! దైవమా! ఎట్టిదుష్కరఘటనముల నెట్లు మార్చివేయుచున్నావు?
అన్న — తొందరపడకున్న ప్రమాదము రాఁగలదు. స్వామి స్వామీ! ఆతుపాకిని నా కిచ్చి పారిపొండు.
శంక - (నిస్పృహుఁడై తుపాకిని పారవైచి పరుగెత్తును.)
అన్న -- (తుపాకిని పట్టుకొని నిలువఁబడును.)
[పోలీసుఇన్‌స్పెక్టరు ఇద్దఱు పోలీసుభటులతో ప్రవేశించును.]
ఇన్ - ఎవ రీయింట హత్యచేయుచున్నది ?
అన్న — అయ్యా ! కనుపడుచుండుట లేదా ! నేనే హత్యచేసినాను. ఒకటి కాదు రెండుహత్యలను చేసినాను. నన్నే బంధింపుము.
ఇన్ — నీవెవ్వఁడవు? శంకరరావుహత్యచేసెనని వింటిమి. ఆతఁడెక్కడ ?
అన్న - నే నెవ్వఁడనో అది మీ కేల ? హత్యచేసినది నేను. నన్నే బంధింపుఁడు.
ఇన్ - శంకరరా వెక్కడ ?
అన్న -- శంకరరా వెవఁడో నే నెఱుఁగను.
ఇన్ -- అట్లయిన నీవేనా హంతకుఁడవు ?
అన్న - ఇదివఱకు రెండుసార్లు మనవిచేసితిని.
ఇన్ -- భటులారా ! వీనిని బంధింపుఁడు.
భటులు – (అన్నపూర్ణను బంధింతురు.)
(తెరవ్రాలును.)
రంగము - 2.
స్థలము-- గంగారాంసేట్ గృహము.
[గంగారాం, జయరాం ప్రవేశము.]
గంగా - దర్వాన్ !
