40
రంగూన్రౌడీ.
తుల - నాయందు తప్పుగలదేని క్షమింపుడు. కాని, సర్కారుహుకుము నాకడ నున్నందున, సజ్జనులైన తమ్ము నొప్పింపవలసివచ్చు చున్నది.
రమే - నీదొంగతనములను గట్టిపెట్టు. నీప్రవర్తన సందేహాస్పదముగ నున్నది.
తుల - అయ్యా! నన్ను సందేహించెదవా? నీయందే నేను సందేహముఁ బూనవలసియున్నది.
రమే - ఎందులకై ?
తుల - హంతకుని నీయింట దాచినందులకై.
రమే - ఓ మర్యాదహీనుఁడా ! ఎవరితోమాటలాడుచుంటివో యెఱింగి యుంటివా ?
తుల - ఆహా ! సంపూర్ణముగా నెఱుఁగుదును.
రమే - నేను గొప్పపలుకుబడికలుగు లక్షాధికారిని సుమా !
తుల - హంతకుని దాఁచినయపరాధివికూడను.
రమే - బస్ ! బస్, ఇఁకచాలు. మాటలాడక నాయిల్లు కదలు.
తుల - హంతకునిఁబట్టి యిమ్ము. కదలెదను.
రమే - నాయింట లేఁడు.
తుల - లేఁడా నీయింట ?
రమే - లేఁడు.
తుల - అమర్యాదపాలు గాకు. సోదాచేయవలసి వచ్చును.
రమే - సాహస మున్న సోదా చేసికొనుము.
తుల - భటులారా! ఈయిల్లు సోదాచేయుఁడు.
భటు — (వెదుకఁబోవుదురు.)
రమే - హఠ్ జావ్!
(మెల్లగా తెరవ్రాలును.)