34
రంగూన్రౌడీ.
శంక - ఆహా ! భగవత్సంకల్ప మెంత చిత్రమైనది ! ఇంతకును అదియొక హేతువయ్యెనుగాని, నాయాయుర్దాయబలమువలన భగవంతుండే మిమ్మచటికిఁ బంపెను. సరిగాని, మీరిప్పుడు 'మీకోరంగిజాతివాఁ'డని ఏమో పలికితిరి. కోరంగిజాతియనఁగా నేమి?
ప్రభా - మీరు కోరంగిజాతివారుకారా ?
శంక - "కోరంగిజాతి" యను నొక జాలి కలదా ?
ప్రభా - ఆహా ! కలదు. మీరే, “కోరంగిజాతి” వారు. మీజాతిపేరే మీకు తెలియదనిన నాకాశ్చర్యముగా నున్న దే ?
శంక - కోరంగి యేమో, జాతియేమో, నే నెఱుగను. మే మాంధ్ర జాతివారము. కాదేని, తెలుఁగువారము.
ప్రభా - అది యేమోకాని, మీజాతివారిని బర్మాదేశమునందు కోరంగి జాతివారనియే పిలుతురు. మిక్కిలి హీనముగాకూడచూచెదరు.
శంక - (ఆశ్చర్యముతో) భళీ ! ఇది కడువింతయైనమాట.
గీ. అకటకట ! పూజ్యమైనట్టి ఆంధ్రజాతి
గౌరవము మాని “కోరంగి” వారటంచు
హీనముగఁ బల్కువారె! రంగూనులోన
నితరజాతులకంటికి హేళనముగ.
ప్రభావతీదేవీ ! మాజాతి కింతటి గౌరవహీనత గల్గుటకు కారణమేమో మీ రెఱుఁగుదురా?
ప్రభా - కారణములు కనఁబడుచునే యున్నవికాదా !
శంక - నా కేమియు కనఁబడుటలేదు. దయచేసి యెఱింగింపుఁడు.
పభా -
సీ. జనుల సందఱను కంచరగాడ్దెలట్లు మే
రకమోయువారు కోరంగివారు
గౌరవవ్యాపారకార్యంబు సేయనే
రనికూలివారు కోరంగివారు