8
రంగూన్‌రౌడీ.
రాధా - అంతేకదా ! నిజముగ చంపరు గదా?
జయ - చంపినమాత్ర మేమి? నీతండ్రి చచ్చినయెడల నిలువచేసిన ధనమంతయు మనకే దక్కును.
గంగా - ఓరి నీపొట్టపొడిచివేయ? నీ కెంత దుర్బుద్ధి పుట్టెనురా ? గంగారాంసేటును నీవటరా చంపువాఁడవు? ఉండుండు. నీకు చెప్పుదెబ్బలు కావలసియున్నవి.
రాధా - మీ రిట్టిమాట లాడినచో నిక్కడ నిలువవద్దు. వెడలిపొండు.
జయ - కాదు కాదు. ప్రియురాలా ! ఊరక పరిహాసమున కట్లంటిని. ఇది నిజమేనా ?
రాధా - ఇంతేకద !
జయ - మఱి ఇంకెంత? సరేగాని నాగ్రంధములోని గంగారామసంహారమును నటించి చూపనా ?
రాధా - మీరు నటకులుకూడనా యేమి ?
జయ - నీ కింకను తెలియదా? ఛాలెంజిగా యాక్టుచేసినవాఁడను.
రాధా - సరే. మీనటనమును చూపుఁడు.
జయ - ఎస్. నౌ అయాం దీ సెకండ్ హ్యాన్డ్ ఒథెల్లో
గంగా -- సెకండుహాన్డ్ సిగరెట్టువలె వీఁడు సెకన్డ్ హాన్డ్ ఒథెల్లోయఁట.
జయ - బ్యాండు ట్యూన్ -- ఆదితాళం.
హహ్హహ్హహ్హహ్హహ్హా - అయ్యాం సెకండ్ ఒథెల్లో!! హా!!
లుక్‌ఎట్ - లుక్‌ ట్ - మై గ్యాలెంట్
వెరివెల్ - వెరి వెల్ - మైట్యాలెంట్ || హ||
అయ్యాం ఆధర్ - అయ్యాం ఆక్టర్ - ఎవ్విర్‌ధింగ్ అయ్యాం
యూ ఆల్‌కం అండ్ - చీఫ్ మీ అప్ -ఇన్‌దిస్ గ్యాలోనైట్ || హ||
జయ - నౌ కమాన్ ! ది సీజ్ మై రోబ్ !
గంగా - (చెప్పుతీసి) నౌ కమాన్ ! ది సీజ్ మై బూట్.
