రంగూన్ రౌడీ
అను
పతిభక్తి.
ప్రథమాంకము.
రంగము- 1.
అన్నపూర్ణ మందిరము.
[అన్నపూర్ణయును, బాలునెత్తుకొని దాసీ లక్ష్మియు ప్రవేశము.]
అన్న--
[అనుబంధము- 1.]
లక్ష్మి - అమ్మా! ఎందులకు విచారించెదవు? బాబుగారి నడత లోపము తప్ప మీ కెట్టికొఱంతయైనఁ గలదా ? లక్ష్మీ సంపత్కర మగు నీ సుందరమందిరములు, కంతుజయంతవాసంతకే రంగము లనందగు నీయుద్యానవనములు, ధనదునిసవనిధుల ధిక్కరించు ననంతమైన భాగ్యసంపదయు, ఆపాదమస్తక మలంకరించుకొనినను ఏడువారములకు సరిపోవు నెనలేని సువర్ణాభరణములును, రతీసతిని ధిక్కరించురూపసంపదయుఁ గలిగిన నీ కేల విచారము తల్లీ!
అన్న — ఓసి వెఱ్ఱిదానా ! భారతమహిళల పరమధర్మ మేమో గుఱుతింపక మాటలాడితివిగదా! ప్రపంచమున హైందవకాంత వాంఛింపఁదగిన వివే యనుకొంటివా? పతి నిరాకరింప, పిశాచమువలె నొంటరినై, యీ దివ్య సౌధములలో సంచరించినంతమాత్రమున, నా హృదయమునకు సౌఖ్యముగల్గు నను కొంటివా ? భర్తృవిసర్జితనై, యీ మొండిశరీరముతో నీదివ్యవనవాటికలలోఁ