పుట:Ranganatha Ramayanamu.pdf/491

వికీసోర్స్ నుండి
ఈ పుట అచ్చుదిద్దబడ్డది

ఇంక జయోపాయ మేమియు లేదు; - శంకరుచరణము ల్శరణంబు నాకుఁ;
ద్రిపురంబు లేదేవుదివ్యోగ్రబాణ - విపులాగ్ని నీఱయ్యె విస్మయం బెసఁగ?
నిందుఖండంబున నేదేవుమకుట - మందమై విలసిల్లు నభినవస్ఫురణఁ?
దనర నేదేవుహస్తమునఁ బినాక - సునిశితఖడ్గత్రిశూలము ల్మెఱయు?6440
నేదేవుఁ డఖిలలోకేశుఁ డేదేవుఁ - డాదక్షు మర్దించి యాగంబు చెఱిచె?
అలుకతో నేదేవుఁ డంధకాసురుని - బొలియించె? నేదేవుఁ బొగడు వేదములు?
తెలియ నేదేవుఁడు దేవుఁడు దేవుఁ? - డెలమి నాదేవుని నే భజించెదను;"
అని కృతస్నానుఁడై యగ్రజన్ములకుఁ - దానియంగ బహువిధదానము ల్చేసి
మదిలోన మదదర్పమానము ల్విడిచి - పదిలుఁడై సాత్వికభావంబు పూని
రక్తాంబరంబులు రక్తమాల్యములు - రక్తోపవీతము ల్రక్తగంధంబు
రక్తాక్షసూత్రము ల్రాజిల్లఁ బరమ - భక్తితో మంత్రజపంబు సేయుచును
నీశ్వరాలయమున కేతెంచి రాక్ష- సేశ్వరుం డచలితహృదయుఁడై నిలిచి
తగవేది గావించి దర్భాంకురంబు - లొగిఁ జేర్చి తనకుఁగా నుగ్రదానవుల
నన్నిదిక్కుల నుండ నమరించి వేల్వ - నున్నంత నెఱిఁగి మందోదరి వచ్చి6450
కనుఁగొని యోపఙ్క్తికంధర నీకుఁ - జనునె దీనునిభంగి శౌర్యంబు విడువ?
ఉఱక నీ వలిగిన నుదధులు మ్రోయ - వెఱచు; సమీరుండు వీవంగ నళుకు;
వినువీథి నర్కుండు వెలుఁగ శంకించు; - ననలుండు తీవ్రార్చు లడరింప నోడు;
జగములు నీసన్నఁ జలియించు; నేల - మగఁటిమి చెడి విప్రమతము గైకొంటి;
నేఁ డింతధైర్యంబు నీకు లేకున్న - నాఁ డేల తెచ్చితి నరనాథుదేవి?
మారీచుమాటలు మదిలోన నాఁడు - నేరము ల్గాఁ గొంటి నీతి గావంటి;
నీతి విచారించి నీచేటు సైఁప - కాతతధర్మాత్ముఁ డగు విభీషణుఁడు
తొడరి పల్మాఱును దోషాచరేంద్ర - చెడుత్రోవ లేటికి సీత నీపైని
విడుచుట గడుమేలు విడు మంచు నీకు - విడువక చెప్పఁడా? వినవైతి గాక!
మాతామహుం డైనమాల్యవంతుండు - నీతి దాఁ జెప్పఁగ నీసు గైకొంటె?6460
తప్పక మీతల్లి తగవు చింతించి - చెప్పినబుద్ధులు చెవియొగ్గి వింటె?
జననాథుతో నేల శాత్రవం బనినఁ - గనలవే మఱి కుంభకర్ణుమాటలను?
వల దని చెప్పినవారివాక్యములు - తలగూడెనే? నేఁడు దనుజలోకేశ!
భుజవిక్రమం బెల్లఁ బోవంగ విడిచి - నిజముగా మునివృత్తి నేఁడు గైకొంటి;
ఇంద్రుండె యని నోడ నెఱుఁగఁడు రామ - చంద్రుని నని జగజ్జనులు ని న్నగరె?
యని వాని గెల్తుగా కసురేశ! నీకు - ననదచందము లేల" యని తూలఁబల్క
నెలకొన్న సిగ్గున నిట్టూర్పు పుచ్చి- “నెలఁత నీమాటలు నిజమగు నైన
రామచంద్రుని కింక రమణి నే వెఱవ - హోమంబు గావించి యుద్ధరంగమున