రాధికాసాంత్వనము 23
స్వామికి భామలుం జమురువత్తియు లేని నివాళిజోతు లో
సామజయానలార యని సారెకుఁ జేతులు తట్టి యార్పఁగన్. 88
గీ. సారవంతం బగు పటీరపూరమునను
సేద దేర్చిన నొక్కింత సేద దేఱి
చెలులఁ గని రాధ వింటిరే చెలియలార
కలను గనుఁగొంటి శౌరి రాకల ననంగ. 89
సీ. తప్ప దీ మాట నా తనువు జు మ్మనిపించెఁ
జూడు జూడు మటంచుఁ జూపె నొకతె
రమణి యీ దిక్కు తోరణగౌళి పలికేని
అదె యదే విను మంచు నాడె నొకతె
వెన్నుఁ డీడకు వచ్చియున్నట్టె కనుపించెఁ
గల నిక్క మౌనంచుఁ బలికె నొకతె
నెమ్మది యిపు డెంతొ నెమ్మది యున్నది
యమ్మమ్మ యిది నిజం బనియ నొకతె
పడఁతి నీ వామనేత్రంబు పదరె నిదిగొ
కలికి నీ వామభుజము దాఁ గదలె నిదిగొ
అతివ నీ వామభాగంబు నదిరె నిదిగొ
దిగులు మాను మటంచు నా తెఱవ లనఁగ. 90
గీ. అంత నచ్చట నర్జునాహ్వయసఖునకుఁ
జెలులు రాధిక పంచిన చిలుక యలుకఁ
చెప్పకయపోయె నని పల్కఁ జిత్తగించి
కమలనేత్రుఁడు మనము ది గ్గనఁగ లేచి. 91
