ఈ పుట అచ్చుదిద్దబడ్డది
పే టందలమ్మున[1] విచ్చుకత్తులవారు
మెచ్చఁగా దులదుల వచ్చునటుల
గిలుకు పావలు మెట్టి చెలికాండ్రు వెంటరాఁ
బావురంబును బూని వచ్చునటుల
గీ. పడతు లిరువంకఁ దెలనాకుమడువు లీయఁ
గొనుచుఁ బెండెము ఘలుఘల్లు రనఁగ నాదు
పడుకటిలు సేరఁగా శౌరి వచ్చుదారి
తోఁచునే గాని మఱియేమి తోఁచలేదు. 15
సీ. కురు లంటఁగా రాకు గుట్టు బొయ్యీ ననఁ
జీకాకుగాఁ దీసి చిక్కువఱచుఁ
గెమ్మోవి నొక్కకు గేలి సేయుదు రనఁ
గసిమీఱఁ బలుమొనగంటు సేయు
వలుదగుబ్బలు ముట్టవలదు న వ్వే రనఁ
గ్రొత్తనెత్తురు గ్రమ్మ గోరు లుంచు
సరగఁ బో వలె నింకఁ బరులు చూచెద రన
జూముల తరబళ్లు జాగు సేయుఁ
గీ. బలుకవద్దనఁ బావురా పలుకు వలుకు
నత్త నేఁ గాన యనఁ బ్రీతి హత్తె ననును
అట్టి నా ప్రాణవిభుఁ బాసి యకట మేను
జీవములు పోక యల్లాడె సిగ్గు లేక. 16
- ↑ వేటంద లమ్మున - అని. తా. ప. ప్ర.
