ఈ పుట అచ్చుదిద్దబడ్డది
క. ఇట్లేసిన మది ఝుల్లనఁ
బట్లెల్లను సడలి రాధ భయ మందుచుఁ దా
నిట్లని పలుకఁదొడంగె
[1]బొట్లం బై చుట్టునుండు పొలతులతోడన్. 10
ఉ. శౌరిని బిల్వగాఁ జనిన చక్కని కీర మ దేల రాదా, యే
దారిని జన్నదో నడుమ దాఱెనొ చేరెనొ లేదొ గోపికా
జారునిఁ గానదో కనెనొ చక్కగ నా వెత విన్నవించెనో
సారెకు; లేక శౌరినుడి చక్కెరయుక్కెఱ మెక్కి. చొక్కెనో. 11
సీ. తడవు చూచిన దృష్టి దాకునో యని వాని
నునుమోము గనులారఁ గనఁగనైతి
గబ్బిగుబ్బలు సోఁకఁ గందునో యని వాని
గదిసి నా మనసారఁ గలియనై తిఁ
(గదియ నొక్కిన నేడఁ గందునో యని వాని
యధరంబుఁ దనివార నాన నైతిఁ)
(దడవు చేసిన మేను బడలునో యని వానిఁ
జెలఁగి నా మనసారఁ గలియనైతి)
-
- ↑ పొట్లము - గుంపు
(శబ్దరత్నాకరము)
