ప్రబంధరత్నావళి 5
తే. కమలినీకాంత యెంతయుఁ గంది వంద
వారుణీసక్తుఁడై వసువ్యయము చేసి
యరిగినట్లు సరాగియై యంబరంబుఁ
దొఱఁగి పశ్చిమజలధిలో నుఱికెఁ దరణి. (ఆం) 20
సీ. కలయంగ నలఁదిన కస్తూరి పెల్లున జలములదెల్లనుఁ గఁలఁగఁజేసి
కుచమండలముల కుంకుమ చర్చల నీరెల్ల జేవుఱు నీరు చేసి
తనులిప్త సురభిచందన కర్దమంబున వారినెల్లఁ బులకవండు[?] సేసి
మూలల నవపుష్పమాలికావితతుల వనమెల్లఁ దెట్టువఁ గొనఁగఁ జేసి
తే. యలక లలితవీధి నంటఁ గన్గవలఁ గెం
పెలయఁ గామచిహ్నలెల్ల బెలయ
నలరువాతు లమర జలకేలి సాలించి
కొలను వెడలి రింతు లలసగతుల. (ఆం) 21
మ. కులశైలంబులలో సువర్ణగిరి దిక్కుంభీంద్రవర్గంబులో
బలభిన్నాగము లోకపాలకులలోఁ బర్జన్యుఁ డుగ్రోరగం
బులలో శేషుఁడు పెంపుఁగన్నకరణిన్ బూజ్యాధిపశ్రేణిలో
వెలసెన్ విక్రమసేనభూవిభుఁడు దోర్వీర్యప్రతాపంబునన్. (ఇ) 22
సీ. కేలిఁ దెప్పము సేసి క్రాలి లీలావతి నీఁదించుచును నొక్క యింతి డాసి
చే యిచ్చి యిందు విచ్చేయుమంచును దన్వి నడిపించుచును నొక్కపడఁతి నూఁది
ముదిత చేకూడను ముద్దులాడుచు నొక్క తరుణికి నిమ్ములఁ దమ్మ యొసఁగి
రమణిపాపటఁ బుష్పరజముఁ బోయుచు నిదె మిగిలెఁ గొమ్మని యొక్క మగువ కిచ్చి
తే. కదలఁ బడినట్టు లొక్కతెఁ గౌఁగలించి
ముంపు మునిఁగినట్లొక్కతె మోవి యాని
లలితనాయక కేలీవిలాస మమర
లీల జలకేలి సలిపె భూపాలసుతుఁడు. (ఆం) 23
చ. కొలఁదికి మీఱఁ బెద్దయగు కోటతనర్పున వస్తుసంతతో
జ్జ్వలతరసత్ప్రభాతిరవిచంద్రరుచుల్ సొరనేరకున్న సం
ధ్యలు దివసత్రియామలును దత్పురిపౌరజనం బెఱుంగుఁ ద
మ్ములముచవిన్ విహంగగతిఁ బూవులతావి రతిప్రసంగతిన్.[1] (ఆం) 24
- ↑ చూ. నన్నిచోడని కుమారసంభవము 7.105
