పుట:Prabandha-Ratnaavali.pdf/179

వికీసోర్స్ నుండి
ఈ పుట అచ్చుదిద్దబడ్డది

జరజనులచేత నృపతియు
నురుగతి జగమెల్ల నెఱిఁగి యుండఁగ వలయున్. (జ) 523

? [నీతిసారము]
సీ. ఒనరంగఁ గమలంబు నుపహారసంధియు సంతానసంధియు సంగడంబుఁ,
జాల నుపన్యాససంధియు ................. ......సంధియు యోగసంధికమును,
బుష్పాంతరాదృష్ట పురుషనామకములు నాదిష్టకంబును నాత్మమిషయు,
బంధురోసగ్రహసంధి పరిక్రియ సంధియు నుచ్ఛిన్నసంధికంబు,
ఆ. ననుపమ పరదూషణాంచిత స్కంధోప
నేయసంధులనఁగ నిశ్చితముగ
షోడశప్రకార సునిశితసంధి వి
ధానమెఱుఁగవలయు ధరణిపునకు. (?) 524

శా. నానాశాస్త్రవిశారదుండు నయనానందాంగుడున్ సత్కుల
స్థాన శ్రేష్ఠుఁడు నిస్పృహుండు పరచిత్తజ్ఞుండు వాక్ఛుద్ధుఁడున్
శ్రీనిత్యుండును లోకమాన్యుఁడును నిశ్చింతుండునై యుండినన్
వానిన్ మానుగ రాజదూత యని చెప్పన్ వచ్చు నుర్వీస్థలిన్. (?) 525

క. పతి కలిగి తానె పొలియును
బతి నలిగించు [టనుఁ] దనకె భంగము వచ్చున్
బతిమతమె కాని భటునకుఁ
బతితో నాగ్రహము చనదు బద్దెనరేంద్రా! (?) 526

క. పతిచీర లట్టి చీరలు
పతితొడవులఁ బోలుతొడవు పతిగతివేష
స్థితియును సేవకులకుఁ దగ
దతిధనయుతు లైన ననుఁగు లైనను సభలోన్ (?) 527

సీ. బలుగాపు వాకిళ్ళఁ బగలు రేయును నిడి కోటఁ బాళెముఁ దగుచోటఁబెట్టి,
కనుమట్లనెల్ల[?] కావలి నియమించి నడిమి చావఁడిదగు నరుల నునిచి,
నగరిచుట్టును జాలె నడిపించి క్రంతలఁ దిరుగుచుఁ దగఁ దలవరుల నునిచి,
దిన[?] బాళెముల్ దృష్టి వెట్టుచుఁ గేల దివియలు విడువక తిరుగఁజేసి,