పుట:Prabandha-Ratnaavali.pdf/163

యాగవేదికి విచ్చేయు మారగింపఁ
బ్రథమజన్ముల యింటికల్పద్రుమంబ. (ఆం) 454

వీరయ్య, పోతరాజు [త్రిపురవిజయము] (ఆం)
సీ. కపిలజటాజూటగంగాసముత్తుంగవీచీఘటలు మిన్ను వీఁక దాఁకఁ,
బ్రబలబాహార్గళపరికంపితస్ఫారఢక్కాధ్వనిని దిశల్ పిక్కటిల్ల,
జ్వాలాకరాళభీషణశారదస్థూలశూలయుద్ధప్రభల్ సూర్యుఁ బొదువఁ,
బ్రకటబంధురదీర్ఘపటువజ్రనిష్ఠురపదఘట్టనము లుర్వి యదర నొదవ,
గీ. విమలశార్దూలచర్మాంచలములు దూల
మహితమండనఫణిఫణామణులు గ్రాల
నసమరౌద్రరసావేశ మావహింప
నారభటి భూరితాండవం బాచరించె. (ఆం) 455

సీ. తమ్ముల బెదరించు తళుకువెన్నెల పాప గన్నెగేదఁగిఱేఁకు గారవింపఁ
బదినూఱుపడగలఁ బఱపైనపదకంబు సవడిముత్తెపుబన్నసరముఁ బ్రోవ
మిసమిసమన మించు భసితాంగరాగంబు పరఁగుచందనచర్చఁ బరిఢవింప
మెఱయుమువ్వన్నెల కఱలపుట్టముకొంగు చెఱుఁగుల నునుపట్టుచేలఁ బెనుప
గీ. మించి తలమీఁద నురముపై మేనఁగట్టి
యీడుదోడుగ నుమతోడఁగూడి జగము
లెల్ల రక్షించు నిను భజియింతు మెపుడు
భయద దురితలతాదాత్ర! ఫాలనేత్ర!

సీ. తలిదండ్రుల పొందు దప్పి యొండెడ నార్వు రువిదల యెయ్దువ నెదిగినతఁడు
కడువడి బలుగొండఁ గాఁడిపాఱినమేటి ఘనసాయకము కేలఁ గ్రాలునతఁడు
కమియారఁగాఁ బాఁపకవణంబు దిని యాడు ఱెక్కలతురగంబు నెక్కినతఁడు
భోగిపాన్పున నిద్ర భోగించుదేవునిఁ దఱమిన రక్కసు నుఱిచినతఁడు
గీ. సవడిమోములఁ జతురత సమకొనంగ
జోడుమాటలు సరివడ నాడునతఁడు
దంతిముఖుకూర్మితమ్ముఁడై తనరునతఁడు
కదలె బలముల నడిపింపఁ గ్రౌంచవైరి. (ఆం) 457