పుట:Prabandha-Ratnaavali.pdf/155

వికీసోర్స్ నుండి
ఈ పుట అచ్చుదిద్దబడ్డది

విష్వక్సేనుని గౌస్తుభాభరణు నుర్వీశ్రీయుతుంగొల్చి యా
విష్వక్సేనుఁడు సంచరించు గణరాడ్విఖ్యాతుఁ డాచక్కటిన్. (ఆం) 416

క. కాంచనబహువిధ రత్నా
భ్యంచితమై చిత్రరచనబంధురతరమై
మించి సురాసురముఖ్యులు
కాంచి నుతింపంగఁ గాంచి కాంచిం బోలెన్. (ఆం) 417

సీ. గజకచ్ఛపంబు లెరునికుక్షిలోనికినిరాది [టి][?] భిక్ష.........,
సకలలోకములు నే జవసత్త్వసంపన్ను ఖురళికాయాత్రకు గోష్పదంబు,
బలభేదివజ్రమే యలఘు ఱెక్కలలోనఁ జిక్కిపెంపే[ఁదిన] చిఱుతపుల్ల,
కద్రూతనూజవర్గంబు లే మహనీయు నాగ్రహంబునకుఁ జొక్కాకుపదువు,
తే. లతఁడు హరిఁ గొల్వ నచ్చోటి కరుగుఁదెంచె
శంఖచూడసుదక్షిణ క్షమపయోద
వాహనోద్గారతాభీలసాహసైక
జనిత దాక్షిణ్యుఁడైనట్టి వినతపట్టి. (ఆం) 418

సీ. తనుఁబట్టి విడువని తగవరి యితఁడంచు మృడునకు నొకవంక మేలు సేసెఁ,
దనకుఁ బూర్వాశ్రితుఁడని సురాధ్యక్షుని శతకోటిధన సమన్వితునిఁ జేసెఁ,
దనపాదములు నితాంతముఁ జేరి కొలువఁగ రాజీవశత్రుని రాజుఁ జేసెఁ,
దనకు గుణంబుగాఁ దగిలియుండుట సూచి యహికులాధిపుని భోగాఢ్యుఁ జేసె,
తే. ననుచు మిన్నక కొనియాడినను నిజంబ
యగుచుఁ దనయందుఁ గాన్పించు ననుదినంబు
జగతి నొప్పారు నీ శైలచక్రవర్తి
యసమతరకీర్తి నిత్యకల్యాణమూర్తి.

శా. ద్రాక్షాపాక నవీనవైఖరిఁ బ్రబంధస్తోమముల్ సెప్పి య
ధ్యక్షుండయ్యె మహాకవీంద్రులకు నాహా! యెట్టి పుణ్యాత్ముఁడో
సాక్షాద్భారతిఁ గాక యీతఁడు మనుష్యవ్యక్తియే యంచు సం
లక్షింపం దగు కాళిదాసుఁ గృతిలీలావ్యాసుఁ గీర్తించెదన్.

సీ. పడియలలోపలఁ బడి యలందురుఁ గాక గండుమీనము లంబకముల సరియె?
పొదలు మాటుగ నేచి పొదలుటఁ గనుఁగాక యలరుగుత్తులు కుచావళుల సరియె?