పుట:Prabandha-Ratnaavali.pdf/129

వికీసోర్స్ నుండి
ఈ పుట అచ్చుదిద్దబడ్డది

62 ప్రబంధరత్నావళి

గీ. దానమహిమ సముత్తుంగ దంతులందు
దమకరంబులఁ గలుగంగఁ దనరుచుండు
సిరులసంతోషమున ముఖ్యశీలవృత్తి
రణజయౌదార్యములఁ బురి రాజకులము. (జ) 285

సీ. గజముల నడలుఁ దత్కరముల జిగులుఁ ద త్కుంభగౌరవములుఁ గూర్చి కూర్చి
జలజస్ఫుటములుఁ దచ్ఛదవిభ్రమములుఁ ద త్కేసరసురభులు గిలిమి గిలిమి
మరువిండ్లుఁ దన్మౌర్విమధుకర రుచులుఁ ద దస్త్రంబుమొనలును నలమి యలమి
గనకవేదులు నందుఁ గాంతినుగ్గులును దత్ స్థగితసన్మణులును దార్చి తార్చి
గీ. గతులు నూరుకుచములు మొగములు నేత్ర
ములును దనుగంధములు బొమ లలకములును
చూపులు నితంబములును రుచులును దశన
ములును విధి సేసె నా నుంద్రు పురిచెలువలు. (జ) 286

ఉ. పాయక కన్నెనాథు తలఁబ్రాలిడఁ బూన్చిన యాణిముత్తెముల్
దోయిట పద్మరాగమణులలో యన నించుక యెత్తిచూచుచో
జాయల నింద్రనీలముల చాయలుగాఁ బతిమౌళి మీఁదటన్
బోయఁగఁ బూవుమొగ్గలనఁ బొల్చె విచిత్రవిలాసవైఖరిన్. (జ) 287

ఉ. సారసరః ప్రతీరవనసౌరభపుష్పరజోవిభూతి నొ
య్యారపుఁజొక్కు చల్లి మలయానిలుఁడన్ గడిదొంగ వేకువన్
జోరణగండ్లఁ గన్నములఁ జొచ్చియు దివ్వెలు దూల్చి భోగభా
మారతితాంతఘర్మకణ మౌక్తికపంక్తులు దార్చు నిచ్చలున్. (జ) 288

పేరయ, బొడ్డపాటి [మంగళగిరివిలాసము] (జ)
ఉ. హారతు లిచ్చు వేయిన ... సారికిరాయనిఁ గన్నతండ్రి కొ
య్యారి మెఱుంగుఁజూపులనె యారతు లిచ్చె నొకర్తు తజ్ఝణా
త్కారకరద్వయీవలయకాంతులు గుత్తపుఁజన్నుదోయి తా
హారగళంచలన్నలుజాలతశ నెంతకురాయభాకాంతియై[?] (జ) 289

పేరయ, బొడ్డపాటి [శంకరవిజయము] (జ)
చ. అడరి సరోజరాగమణు లామిషఖండము లంచుఁ గఱ్ఱుకు
ట్లొడికము సేయు వేడుకల నుజ్జ్వలసన్మణు లేర్చి నిప్పులం