ప్రబంధరత్నావళి 61
గీ. కుంటివింటను బలువంక కోలఁ దొడిగి
విషమలక్ష్యంబు లే గతి వేసితయ్య!
వేల్పు లెవ్వరు నీ సాటి విజయవాటి
మల్లికార్జునలింగ! యుమాప్రసంగ! (జ) 281
సీ. బంట్లున్న పాలెంబు బలువిల్లుగాఁ జేసి నవమణివలయంబు నారిఁ జేసి
నుదుటి నెన్నడిమికన్నును ముల్కిగాఁ జేసి దక్షిణాంగంబె యస్త్రంబుఁ జేసి
చేకొఱతలవాని జోక సారథి సేసి తన మూర్తి యొకట రథంబు సేసి
కనుదోయిఁ జక్రయుగ్మముగ యోజన చేసి సమత నూరుపుల నశ్వములఁ జేసి
గీ. యన్నియును నీ యధీనంబు లగుటఁ జేసి
పురము లేసితిగాక నీ కొరులు తోడె?
వేల్పు లెవ్వరు నీ సాటి విజయవాటి
మల్లికార్జునలింగ! యుమాప్రసంగ! (జ) 282
పేరయ్య, బొడ్డపాటి [పద్మినీవల్లభము] (జ)
ఆ. ఆ ప్రదోషయ...ములై యున్న సమయంపు
కంట వేఁటకాని కరము దిల్పె
సొగపు దోచెఁ గ్రుంకె నగు ప్రొద్దు పరసంధ్య
వెనుక నిరులు ముందు వెలుఁగు నగుట.(?) (జ) 283
క. ఒక యెనిమి దడఁగె దిక్కుల
మకరంబున కొకటి యోడె మలహరుచే ము
న్నొక టుడిగె ధిక్కరింపఁగ
నిఁక నేలని మాఱుమలయు నేనుఁగులు పురిన్. (జ) 284
సీ. కమలాకరస్ఫూర్తి కాసారములయందుఁ దమయందుఁ గలుగంగఁ దనరుచుండు,
గంభీరజీవనక్రమ మగడ్తలయందుఁ దమయందుఁ గలుగంగఁ దనరుచుండు,
ధారావిహార ముత్తమ తురగములందుఁ దమయందుఁ గలుగంగఁ దనరుచుండు,
సుమనోవికాసంబు ప్రమాదవనములందుఁ దమయందుఁ గలుగంగఁ దనరుచుండు,
