46 ప్రబంధరత్నావళి
గీ. కూయకుఁడు మీరు సంతుష్టిఁ గూరినపుడు
శీతలంబగు వెన్నెల చిగురుఁబాన్పు
నందు నిడి నిద్రపుచ్చెద ననుచు నాద
రించె బిడ్డల నొక చకోరీపురంధ్రి.[1] (జ) 207
సీ. మించినగతులు సాధించి యింద్రునికి మార్కొని యున్న కాల్గలకొండ లనఁగఁ,
జేతనత్వంబులు చేకొని రవికిఁ గొమ్ములు చూపు చీఁకటి మొన లనంగఁ,
జేకల్గి యలుల కనేకదానము లిడ మేలఁగు తమాలభూమిజము లనఁగఁ,
జిత్రకుధాస్తరాస్తీర్ణులై[?] గాడ్పుతో మోహరించిన కారుమొగుళు లనఁగఁ,
తే. నెల్లచందంబులను గడు నెసగ మెసఁగి
పొగడు నెగడును బడసి యప్పురిఁ జరించుఁ
దమ్ముఁ జూచిన సిరియుఁ బుణ్యంబు నొసఁగఁ
దావలంబైన భద్రదంతావళములు. (జ) 208
గీ. రత్నగర్భ గర్భరత్నంబు లవ్వీట
నర్థిఁ బుట్టుచుఁ గొనియాడ మరగి
వీథి వీథి నెపుడు విలసిల్లు నా నాప
ణముల వివిధరత్నసమితి వెలుఁగు. (జ) 209
గీ. రాయుచున్న ఘనపయోధరములు గలిగి
నడుము లొక కొంత బయలయి బెడఁగు మిగిలి
చూడ నొప్పారు రేఖలసొంపు మెఱసి
కోటకొమ్మ లమరు వీటికొమ్మలట్లు. (ఆం) 210
మ. లలిత లతాంతపల్లవశలాటు ఫలాంకిత భూజరాజి సం
కుల బహుచిత్ర వర్ణపటకూటకుటీపటలంబుగా లతా
మిళితవిలాసులై చెలువు మీఱుఁ బురీవనముల్ జగజ్జయా
కలిత రమాభిరామ నవకామ మహాశిబిరంబులో యనన్. (జ) 211
శా. లీలం గాముని నోమఁ బోవునెడఁ గేళీనందనం బెంతయున్
జాల న్వాసన కెక్కు, నొండొరువు లోజం బల్కుచోఁ జిల్కపిం
డాలో నాల్కలతొక్కుఁ దక్కుఁ, జని నీరాడంగ నంభోజినీ
రోలంబంబులు చొక్కు, వీటి సతులన్ రూపింప సామాన్యమే? (జ) 212
- ↑ ఫణిదవు మాధవుని ప్రద్యుమ్నవిజయములోనిది.
