ఈ సమాధాన ప్రక్రియలో మూడు దశలు వున్నాయి. మొదటిది, దేవుడే రాజీ ప్రక్రియకు పూనుకొన్నాడు. రెండవది, పౌలులాంటి బోధకులు దేవునితో సమాధానపడమని ప్రజలకు బోధించారు. వారి హృదయాలను సిద్ధం జేసారు. మూడవది, ఈ బోధవలన ప్రజలు పరివర్తనం చెంది దేవుని నుండి పాపక్షమాపణం వేడుకొన్నారు. దేవుడు వారిని కరుణించి క్రీస్తుద్వారా వారి పాపాలు మన్నించాడు.
ఇప్పడు మనజీవితంలో కూడ ఇదే జరుగుతుంది. మ నం దేవునితో సమాధానపడి తోడి నరులను కూడ ఆ ప్రభువుతో రాజీపరచాలి. వారితో వారిని ఐక్యపరచి దేవుని దగ్గరికి తీసికొని రావాలి. వారిలో వారికి తగాదాలు పెట్టి వారిని విభజించకూడదు. మన దురాదర్శం వల్ల తోడి నరులను గూడ పాపకార్యాలకు ప్రేరేపించి దేవునికి దూరం చేయకూడదు.
- 4. పాపాలకు ప్రాయశ్చిత్తం చేయడం
పూర్వవేదంలో పాపాలకు ప్రాయశ్చిత్తం చేసే కర్మ ఒకటుంది -లేవీ 16,14-16. గుడారంలోని గర్భాగారంలో మందసం వుండేది. దానిమివాద కరుణా ఫలకం వుండేది. దానిమిధాద షెకీనా అనే పేరుతో దైవసాన్నిధ్యం నెలకొని వుండేది. ఈ ఫలకానికి గ్రీకులో ‘హిలాస్తేరియోన్" అనీ హిబ్రూలో 'కిప్పోరెట్" అనీ పేరు. ప్రాయశ్చిత్తదినాన ప్రధానయాజకుడు గర్భాగారంలోనికి ప్రవేశించి ఈ కరుణా ఫలకం విూద కోడె నెత్తురు చిలకరించేవాడు. దాని ముందు నేలమిద కూడ ఏడుసార్లు నెత్తురు చిలకరించేవాడు. అటుపిమ్మట మేక నెత్తుటిని గూడ ఆలాగే చిలకరించేవాడు. దీని భావం ఏమిటి? L
