పుట:Parama yaugi vilaasamu (1928).pdf/75

వికీసోర్స్ నుండి
ఈ పుట ఆమోదించబడ్డది

60

పరమయోగివిలాసము.


జపమాలికాసంఖ్య సవరించువ్రేళ్లు
చపలాక్షి ర మ్మని సన్నఁ గావించె
నప్పు డామునినాథుఁ డంతరంగమునఁ
గప్పిన కామాంధకారంబుతోడ
నయము పోవిడిచి మౌనముఁ గట్టిపెట్టి
నియమం బుడిగి మనోనిగ్రహం బేది
జపమాల సడలించి జప ముజ్జగించి
తప మోసరించి లో ధైర్యంబు డించి
యచ్చటఁ జెలువొందు నచ్చరలేమఁ
గ్రచ్చరఁ జూచి దగ్గఱ కేగుదెంచి
కమలాయతాక్షి జగన్మోహనాంగి
భ్రమరకుంతల దేవభద్రేభయాన
నీ వెవ్వ రబ్జాస్య నీకుఁ బే రేమి
దేవకన్యకవొ భూదేవకన్యకవొ
రాజకన్యవొ భోగిరాజకన్యకవొ
నీజాడ యెఱిఁగింపు నేఁదు మా కనిన
నీతఱిఁ జక్కెఁ బో యితఁ డంచుఁ జుప్ప
నాతికైవడి నలనాతి యి ట్లనియె
ననఘాత్మ వినుమయ్య యమరకన్యకను
గనకాంగి యనుపేరు గలిగినదాన