ఈ పుటను అచ్చుదిద్దలేదు
నీవూ నేనును తారతమ్య మిహమందేగాని భూగర్భ ర
త్నావాసంబున లేదు; దుర్జనుఁడు పుణ్యాత్ముండు భిక్షార్థియున్‌
శ్రీవాల్లభ్య ధురంధరుండు నొకటే శ్రేణిన్‌ సుఖాసీనులై
యావిందున్‌ భుజియింతు; రంతఁ గనలేమా మృత్తికన్‌ భేదముల్‌.
కాలిడినంత గ్రుచ్చుకొనుకంటకముల్‌ ప్రియురాలిమోమునన్‌
వ్రేలిన ముద్దుముంగురులొ! బిత్తరికన్బొమ లౌనొయేమొ! రా
జాలయ భగ్నగోళశిఖరావళిఁ గన్నుల గట్టు నిష్టకా
మాలలు పూర్వభూభుజుల మస్తములౌనొ! వజీరు వ్రేళులో!
