ఈ పుట అచ్చుదిద్దబడ్డది
పొడుపు కొండలమీద - నిడుపైన చందమామ
నీలాగె నిలువబడెను గదరా
నేనొంటి గొనుపోతే - నీవునా వెంటవస్తే
నీడజూచి జడుసుకొంటిని గదరా ౹౹చల్ ౹౹
5
నీవు నేనూనిలబడితే - వచ్చిపోయేటట్టివారు
చిరునవ్వు నవ్విపోయిరి గదరా
నీకునాకు నేస్త మయితే మల్లెపూల తెప్పగట్టి
తెప్పమీద తేలిపోదుము గదరా
నాలోని వలపుతీగ నీలాల పేరుగాగ
నీకంఠమునను జుట్టితి గదరా
నీమీది వలపుతీపి - నామీది కెక్కిపోయే
నిన్నింక విడువ జాలను గదరా
ఎన్నాళ్ల కైనగాని చిన్ననీ మొగముజూచి
నిలువెల్ల సొక్కిపోతిని గడరా
నీకునీవారు లేరు - నాకునావారులేరు
యేటివడ్డున యిల్లుకడదాం పదరా
చల్ మోహనరంగ యేరువస్తే యీదిపోదము పదరా !
చేయి చేతాను వేసి న్యాయమార్గము చూచి
నాయందు ప్రేమతప్పక మనరా
నీవే చందూరుడైతే నేనే వెన్నెలనౌదు
భావించి వెంటనుందును కదరా ౹౹చల్ ౹౹
179
