ఈ పుట అచ్చుదిద్దబడ్డది
గుబురైన చింతమీద - కబురు తెచ్చేటి చిలుక
సొగసైన గూడు కట్టెను కదరా ౹౹చల్ ౹౹
3
నీవుపోయే దారిలోని - నిలువుటద్దములలోన
నీదురూపు నిలిచిపోయెను గదరా
చిరునవ్వూ నవ్వితేనూ కురియూ పువ్వులవాన
చిరునవ్వాసించియుంటినిగదరా
శనివారం సంతలోన పనిబూవి సంతలోన నిను వెదకి
పరుగెత్తి పట్టుకొంటిని గదరా
బొండుమల్లె పూలదండ నిండుగా నీమెడను వేసి
నిండారా కౌగిలింతును రారా ౹౹చల్ ౹౹
4
చీకటి రాత్రినాడు - కోకనల్లది కట్టుకోని
చీకట్లో కలిసిపోయితిగదరా
ఊడల మర్రిక్రింద - మోడైన తుమ్మచూచి
చీకట్లో ఝడును కొంటిని గదరా
గట్టుదాటి పుట్టదాటి ఘనమైన యడవి దాటి
అన్ని దాటి అరసి తరలితి గదరా
ఒంటిగా పోవద్దు వద్దని - పైటబట్టి లాగగానే
పైటజారి సిగ్గుపడితిని గదరా
178