ఈ పుట అచ్చుదిద్దబడ్డది
చెట్టె - చెట్ల 766 చెట్ల - చెడ
లేక అటూ ఇటూ కొట్టు కుంటుంది.
- "చెట్టు విడిచినభూతంబుకడఁకతోడ." హంస. 1. 220.
చెట్టెక్కి చేతులు విడిచినట్లు
- ఉన్నతస్థితికి పోయి దానిని నిలుపుకొన లేక పోవు.
- ఆధారము లేకుండా చేసుకొను.
- "ఇవ్విధంబున నావిద్య లెల్ల మోటు, వడినఁ జెట్టెక్కి చేతులు విడిచినట్లు, శోకచింతానిమగ్నుండ నై..." వరాహ. 1. 96.
చెట్టెక్కు
- మూల బడు.
- "కృష్ణునిప్రతిమ చెట్టెక్క లేదె." గీర. గురు. 52.
- చూ. చెట్లను గట్టు.
చెట్టొకడు గాగ పఱచు
- దిక్కు కొకడు గా పోవు.
- "ఒకఁడు పోయిన త్రోవ వే ఱొకఁడు పోక, చె ట్టొకఁడు గాఁగఁ బఱచిరి చెంచు లపుడు." మను. 4. 103.
- చూ. చెట్టు కొక డై చను.
చెట్టొక పిట్ట యగు
- చెల్లాచెద రగు.
- "తరుణి నీనడలతో సరి రాక యంచలు, చెట్టొక పిట్ట యై చెదరి పాఱె." కవిచకోర.
- చూ. చెట్టు కొక డై చను.
చెట్లను గట్టు
- ఉపయోగించక పైన ఎత్తి పెట్టు; మూల బెట్టు; పూజ పెట్టు.
- ఈ అర్థంలో నేటి వాడుకలోని పలుకుబడి - అట్టవమీద పెట్టు, మందహాసంలో పెట్టు, పూజ పెట్టు మొదలగు రూపాలలోనే కానవస్తుంది.
- "శౌర్యముల్ చెట్లను గట్టెడు మాడ్కి." జైమి. 6. 137.
- ప్రస్తుతప్రయోగంలో పరాక్రమాల నన్నిటినీ ఉపయోగించకుండా చెట్లమీద పెట్టి - మూల పెట్టి అనగా శౌర్యము మాలి...
చెట్ల వట్టు
- అడవుల పా లగు.
- "ఎవ్వఁ, డేని సప్తాంగములు నీకు నిచ్చి చెట్లు, వట్టి పెన్రాల తిప్పలు వట్టి తిరుగు." ఆము. 3. 24.
- "ఇడుమల కోర్చి పాపి యై చెడి చెట్లఁ బట్టినవాని." వర. రా. అర. పు. 139. పంక్తి. 18.
- రూ. చెట్ల బట్టు.
చెడగొట్టు
- పాడు చేయు.
- "ధ్వజంబులఁ జెడఁ గొట్టుచు." ఉత్త. రా. 2. 61.
- "పనంతా చెడగొట్టాడు వచ్చి కూచొని." వా.
చెడనాడు
- నిందించు.
