ఈ పుట అచ్చుదిద్దబడ్డది
కాలి____కాలి 456 కాలి____కాలి
కాలి గోరున పోలకుండు
- ఏమాత్రమూ సరిరా కుండు.
- "వారల యగణ్యరూపలావణ్యతతులు, బాల! నీ కాలి గోరున బోలవరయ." రామాభ్యు. 5. 179.
కాలిజోడు
- పాదరక్షలు.
- "నా కాలి జోడు వాళ్ల యింట్లో మరిచి పోయి వచ్చాను." వా.
కాలి జోళ్ళు తెగేదాకా.
- ఎక్కువగా (తిరుగు. కొట్టు).
- "వాడి కొంప చుట్టూ కాలిజోళ్లు తెగేదాకా తిరిగాను." వా.
- "వాడు ఆ సందు మొనలో ఒంటిగా చిక్కగానే కాలిజోడు తెగేదాకా కొట్టాను." వా.
కాలిడ నిచ్చు
- ప్రవేశింప నిచ్చు.
- "........దృష్టికి గన్పడె గొన్ని రూపముల్, కనుపడి మమ్ము నీ మగడు కాలిడ నీయడు మా స్థలంబులం, దునిమెదము..." హంస. 3. 114.
- వాడుకలో రూపం: కాలు పెట్ట నిచ్చు.
- "వా ణ్ణిక ఈ యింట్లో కాలు పెట్ట నిస్తానా?" వా.
కాలిడి నిల్చు
- ధైర్యంగా నిలబడు.
- "భీషణవేషమూ జూచి నేలపై, గాలిడి నిల్తురే." కుమా. 10. 144.
కాలిడు
- ప్రవేశించు; గృహప్రవేశము చేయు.
- "నృపాలు సారెలకు గాలిడ నెందును జోటు లేక..." భోజ. 7. 130.
- "నీ, యనుజయు నేను గా లిడుదుము." వేం. పంచ. 1. 86.
- వాడుకలో రూపం: కాలు పెట్టు.
కాలితెరువు
- కాలిబాట.
- "ఒక్క నాటి పయనంబున నది మార్గంబు దప్పి కాలిత్రోవం బడి..." శుక. 2. 245.
- చూ. కాలిబాట.
కాలి దాటగు
- కీడు తగులు.
- పీడానివారణార్థం మాంత్రికులు ఏవో దిగదుడిచి నాలుగువీధులు కలిసినచోట పారవేయడం అలవాటు. వాని నింకెవ రైనా దాటినపుడు ఆ కీడు వారికి సోకుతుం దని నమ్మకం. అందుపై వచ్చిన పలుకుబడి.
- "వాని కెక్కొడో కాలిదాటై ఒళ్లు తెలియకుండా జ్వరం వచ్చింది." వా.
కాలినడక
- బండీ బడకా లేకుండా నడిచి పోవుట.
- "ఆ పల్లె వెళ్లా లంటే కాలినడక తప్ప మార్గం లేదు." వా.
