ఈ పుట అచ్చుదిద్దబడ్డది
ఊరూ____ఊర్గా 237 ఊర్జి____ఊఱ
ఊరూ పేరూ లేనివాడు
- అనామకుడు.
- "ఆ ఊరు పేరూ లేనివాడికి పిల్లను ఎవరిస్తారు?" వా.
- రూ. ఊరూ పేరు లేని....
ఊరూ వాదా ఏక మగు
- చూ. ఊరూ నాడూ ఏక మగు.
ఊరేగించు
- మెరవణి చేయు. వ్యంగ్యార్థంలోనే ఈ పదం ఎక్కువగా ఉపయోగిస్తారు.
- "ఆ వీ ళ్ళేమో ఉల్లిగడ్డలు కట్టి ఊరేగిస్తా రట ఆ ఊరు పోతే." వా.
ఊరేగు
- తన గొప్పను ప్రదర్శించుకొను. వ్యంగ్యంగా, నిరసనగా 'పోవు' అనే అర్థంలో కూడా ఉపయోగిస్తారు.
- "వాడు తా నేదో గొప్ప కవి నని ఊరేగుతున్నాడు." వా.
- "వా డెక్కడికి ఊరేగాడో? మన కెక్కడ కనిపిస్తాడు?" వా.
ఊరేటిచెలమ
- వట్టిపోనిది. చెలమ ఎన్నడూ శూన్య మై పోదు.
- "తీరనిమోహాల తెందేపలు ఊరేటిచెలమలు ఉడివోనిపంటలు." తాళ్ల. సం. 11. 11.
ఊర్గాయ
- ఊరుగాయ.
- "ఊర్గాయలున్ వనపర్ణ భోజనములం దొప్పార." బహు. 4. 49.
- చూ. ఉరుగాయ.
ఊర్జితము చేయు
- లాభము కలిగించు.
- "వాడు సంసారానికి చాలా ఊర్జితం చేస్తున్నాడు." వా.
- "వీ డేదో మహా ఊర్జితం చేస్తున్నట్లు మాట్లాడుతున్నాడే?" వా.
ఊర్ధ్వపుండ్రాలు
- పట్టెనామాలు
ఊర్బిండి
- ఊరుబిండి
ఊర్బిండివడెము
- వడియము.
- "గుడి మ్రింగువానికి లింగ మూర్బిండి వడెము." సిం. నార. 36.
- చూ. ఉట్రవడియము.
ఊఱట బుచ్చు
- ఊఱడించు.
- "లో నుంచకు భీతి యంచు వినయోన్నతి నూఱట బుచ్చి యంతటన్." హంస. 3. 121.
ఊఱడ బల్కు
- ఓదార్చు.
- "ఈ పగిదిన్ మురారి హృదయేశ్వరి నూఱడ బల్కి." పారి. 4. 13.
ఊఱడ బ్రోచు
- ఊఱట కలిగించు.
- "ఓ యదువీర! వృష్టి బసి నూఱడ బ్రోవవె సప్తరాత్రముల్." ఆము. 4. 29.
ఊఱడించు
- ఓదార్చు.